"Silai kha han la teh, Vahrit an awm thin a"
Luikal leh ramvah nuam timi tak a ni, a chanchin sawi uar deuhte chuan, kham atang pawhin len a deng thin an tih chu. Mi lungleng mi tak a ni, thla eng hnuaiah no mawng leh dumbur khawng ringawt a zanlai thleng rawk a zai peih thin ngat kha a nia.
Amah ka pu Chhuana kha, Vahrit sa eitum ngeiin silai a pu chhuak a, nidang a a kalna ngai tho zawh leh in, thawm ngaichang ranin a pen chhat chhat a. A ding chawt a, ngun lehzualin a thlek nawn leh a, Immm Vahrit ngei an ni, a tuihang hawp tur a awm tawh ngei dawn e...
Vahrit kah nana silai a ken a dah lawk a,
a Sairawkherh phawrhin a perh pawp mai, a tlu zo lo, a tuihang a thlawhbo pui leh ta. Silai keng rengin sairawkherh a ruai zawk tlat kha a chhan kan chhui chhuak zo lo.
Sakei thawm a hriat tumkhat khan, silai a la lawk a, kan intawng a nih chuan thalfang ka thlah ang ti rilru ranin, fimkhur takin a veh thauh thauh a, hnahthleh pakhat rah rik pawh a tum lo, hemi tum hian an intawng lo hlauh mai pawh a. Kah ngei a tum bawk a, a vehchhuak lo kha a ui viau mai. Thlam ah silaimu a phawrh leh tur chu,
"Khai a, a mu ka lo thu reng reng lo"
Sakei kha, lo veh chhuak ta sela ala ui zui zel angem aw...
Ramchhuahna ah silai nen a han vei thauh thauh he nuam a ti riau. Furlai hian kawng a hnim thin si, thlai hmun pan pawh thil nuam a ni vak lo.
Nûl hmun panin an kal a, kawng hnim viau chu a ngaithei ta lo, a silai cheng kau sa ranin kapite a ken tir a, chemtumin kawng a vai eng duak duak mai. Silai lek ngai lo ka piten, a cheng kau sa chunga ka pu an zui tluan thak kha an huaisen vang nge aw, a puak palh lo va an vannei ngawt mai, han puak vaih sela chuan...
Tumkhat pawh, Tangkawng a man alawm, a sa a ei lem loh avangin remchang hmasaah Rs 200 in a hralh a, a sawi leh danin, "Mi ram tla lai kan inhralh ngawt mai chu a nia, a hoh chu a ho mange aw"
Tuikum a len an den tum hian a lawm, a u nen an ni a, lui hnar lam panin an deng chho zel a, a u hian nghabawm leh iptepui akin hma a hruai a, a rawn tlan let thut a,
"Tlan rawh, a lian lutuk"
ani pawh chu theihtawpin a tlan ve mai a,
"Ka u, enge ni a?"
"Tlan zel ang, a lian lutuk"
"Enge ka tih chu, i chem phawrh rawh"
"Chumi chance chu ka zawng reng alawm"
Helaia "a lian lutuk" hi enge kan hriatpui ta lo.
Bawngte an talh dawnin zing dar 2 ah tho vin chem a tat hliau hliau a, khatih lai khan seat tha chang turin chet hma a ngai thin reng a. Bawng a lian lo bawk a, chek lova khawn thluk mai an rawt a. An khawng chawrh a, bawng a bû vak a, a tlu zo lo, a chhuak ta. Khawvawt sawi theih a ni lo, um a ngai, kawmkar leh mi inhnuaiah pawh thawm dim theih a ni tawh lo.
Zing dar 2 vela talh tum khan, dar 7 a rik thlengin mi inhnuai atangin,
"Kha lamah khan a rawn kal aw" an la ti ta lauh lauh a.
"Ka pu, upaten thlam hnuaia ramar chhun a tha lo, sakei a chhuak duh an tih hi tak tak ami?"
"Khai a, Lalmama mai mai thin hi, thlam hnuaiah hian ramar lo kal sela, kan lo chhun hlum anga, chawhmeh a ni maia, sakei a lo chhuah tak leh hei silai a awm a, kan kap leh mai anga, ramar sa chu i pa nen in rawn chhim dawn nia"
A ramar a pawh awm hawt lo chuan, a bula awm a hahdam thlak thin teh e.
A motor phar an ding duh e kan ti kan ti a, tumkhat motor a phar leh tur kan lo chik chhin a. Kawng sirah inringtawk takin a ding a, ngil taka hmalam hawi zawngin a ban a phar a, motor pawh a en lo, hnuai lam bih chungin a kutzungchal a chunglam leh hnuailam zawngin a ti che tawp a, motor pawh chu a ding leh ta nge nge. Motor phar dan ka hriat zingah amah chiahin hetiang style hi a hmang.
A tu leh fate zilh leh hau nana a tawngkam hmante hi a dangdai ve thin, tumkhat a fate an lo insual a,
"Eng vangin nge in insual" tih lam chu a ri lo,
"Lalchhanhim, Lalrinnghet, ka ngaisang che u amaw in ti ange, ka ngaisang lo teh che u a nia"...
Thingpui sen hang hi a duh em em ringawt, hei hi chu a tu leh faten kan chhunzawm ta zelin ka hria.
Luikal leh ramvah nuam timi tak a ni, a chanchin sawi uar deuhte chuan, kham atang pawhin len a deng thin an tih chu. Mi lungleng mi tak a ni, thla eng hnuaiah no mawng leh dumbur khawng ringawt a zanlai thleng rawk a zai peih thin ngat kha a nia.
Amah ka pu Chhuana kha, Vahrit sa eitum ngeiin silai a pu chhuak a, nidang a a kalna ngai tho zawh leh in, thawm ngaichang ranin a pen chhat chhat a. A ding chawt a, ngun lehzualin a thlek nawn leh a, Immm Vahrit ngei an ni, a tuihang hawp tur a awm tawh ngei dawn e...
Vahrit kah nana silai a ken a dah lawk a,
a Sairawkherh phawrhin a perh pawp mai, a tlu zo lo, a tuihang a thlawhbo pui leh ta. Silai keng rengin sairawkherh a ruai zawk tlat kha a chhan kan chhui chhuak zo lo.
Sakei thawm a hriat tumkhat khan, silai a la lawk a, kan intawng a nih chuan thalfang ka thlah ang ti rilru ranin, fimkhur takin a veh thauh thauh a, hnahthleh pakhat rah rik pawh a tum lo, hemi tum hian an intawng lo hlauh mai pawh a. Kah ngei a tum bawk a, a vehchhuak lo kha a ui viau mai. Thlam ah silaimu a phawrh leh tur chu,
"Khai a, a mu ka lo thu reng reng lo"
Sakei kha, lo veh chhuak ta sela ala ui zui zel angem aw...
Ramchhuahna ah silai nen a han vei thauh thauh he nuam a ti riau. Furlai hian kawng a hnim thin si, thlai hmun pan pawh thil nuam a ni vak lo.
Nûl hmun panin an kal a, kawng hnim viau chu a ngaithei ta lo, a silai cheng kau sa ranin kapite a ken tir a, chemtumin kawng a vai eng duak duak mai. Silai lek ngai lo ka piten, a cheng kau sa chunga ka pu an zui tluan thak kha an huaisen vang nge aw, a puak palh lo va an vannei ngawt mai, han puak vaih sela chuan...
Tumkhat pawh, Tangkawng a man alawm, a sa a ei lem loh avangin remchang hmasaah Rs 200 in a hralh a, a sawi leh danin, "Mi ram tla lai kan inhralh ngawt mai chu a nia, a hoh chu a ho mange aw"
Tuikum a len an den tum hian a lawm, a u nen an ni a, lui hnar lam panin an deng chho zel a, a u hian nghabawm leh iptepui akin hma a hruai a, a rawn tlan let thut a,
"Tlan rawh, a lian lutuk"
ani pawh chu theihtawpin a tlan ve mai a,
"Ka u, enge ni a?"
"Tlan zel ang, a lian lutuk"
"Enge ka tih chu, i chem phawrh rawh"
"Chumi chance chu ka zawng reng alawm"
Helaia "a lian lutuk" hi enge kan hriatpui ta lo.
Bawngte an talh dawnin zing dar 2 ah tho vin chem a tat hliau hliau a, khatih lai khan seat tha chang turin chet hma a ngai thin reng a. Bawng a lian lo bawk a, chek lova khawn thluk mai an rawt a. An khawng chawrh a, bawng a bû vak a, a tlu zo lo, a chhuak ta. Khawvawt sawi theih a ni lo, um a ngai, kawmkar leh mi inhnuaiah pawh thawm dim theih a ni tawh lo.
Zing dar 2 vela talh tum khan, dar 7 a rik thlengin mi inhnuai atangin,
"Kha lamah khan a rawn kal aw" an la ti ta lauh lauh a.
"Ka pu, upaten thlam hnuaia ramar chhun a tha lo, sakei a chhuak duh an tih hi tak tak ami?"
"Khai a, Lalmama mai mai thin hi, thlam hnuaiah hian ramar lo kal sela, kan lo chhun hlum anga, chawhmeh a ni maia, sakei a lo chhuah tak leh hei silai a awm a, kan kap leh mai anga, ramar sa chu i pa nen in rawn chhim dawn nia"
A ramar a pawh awm hawt lo chuan, a bula awm a hahdam thlak thin teh e.
A motor phar an ding duh e kan ti kan ti a, tumkhat motor a phar leh tur kan lo chik chhin a. Kawng sirah inringtawk takin a ding a, ngil taka hmalam hawi zawngin a ban a phar a, motor pawh a en lo, hnuai lam bih chungin a kutzungchal a chunglam leh hnuailam zawngin a ti che tawp a, motor pawh chu a ding leh ta nge nge. Motor phar dan ka hriat zingah amah chiahin hetiang style hi a hmang.
A tu leh fate zilh leh hau nana a tawngkam hmante hi a dangdai ve thin, tumkhat a fate an lo insual a,
"Eng vangin nge in insual" tih lam chu a ri lo,
"Lalchhanhim, Lalrinnghet, ka ngaisang che u amaw in ti ange, ka ngaisang lo teh che u a nia"...
Thingpui sen hang hi a duh em em ringawt, hei hi chu a tu leh faten kan chhunzawm ta zelin ka hria.
No comments:
Post a Comment