A THUPUI TUR KA HRE LO

Hmangaihna avanga tlawmna chu chak lohna emaw i ti a,
Khawngaihna avanga inpekna chu i theihna emaw i ti a,
Duhna vanga inngaihtlawmna pawh i chapo pui a,
Ngilneihna vanga dawhtheihna pawh i hmusit a.
I hlimna duh vanga tlawmna chu i elhsen a,

I hmaa duhthlan tur a awm vangin i uang a. 

Nakinah chuan inchhir hun i la nei ang, 
Chutih hunah chuan hei hi ila hria ang,
Hmangaihna vanga tlawm hi chak lohna a ni lo,
Midangte inngaihtlawmna hi chapopui chi a ni lo.
Dawhtheihna leh ngilneihna hi uan khum chi a ni lova,
Hmangaihna hi a hluber tih hi.




I kawng zawh a tawp hunah chuan,
Kawng dang zawh tur zawngin bei tang tang ang che.
Kan bul tannaah khan min zawng tawh lo la,
Hun liam tawha keimah kha i tawng mial a nih loh chuan,
Min zawng mahla, i tan ka awm tawh dawn si lo.
Hreawmnaa i chher hian nun ka hmang tawh dawn si a.

Hun kan hman dun thinte kha,
Sawi chhuak lo ila, ka tawt up up dawn si a,
Sawiin ziak chhuak ila, ka tahpui leh si ang.
Hreawm tawrh dan min zirtir a, ka lawm tho e,
Ka lawm e, nagmah vangin tawrhchhel ka zir si a.
Hei le min thlahna kha, “Inenkawl tha ang che”