ZO LANU CHAWINA

Acrostic

Lenkhua mâwitu hulêng hrilfakin maw,

Ami zaleng rualtin thinlai khâmtu.

Lenlai pâr chhuang, sakhming thang hluanin maw

Rualzawng khumtu huleng dâwn siamtu.

Uanpui chang mah i, hrilzel ta nge, aw

Ami zaleng, dawntuai dâwn tin luahtu

Tuahrem dungdawh zalin i seilian mâw,

Piangah i fuh chiang hlimlai siamtu.

Uai mai tura’n i pamhmâi lua e, aw

I dungthûl haulâi changsial than siamtu.

Iang zo lo che khûavel mawi hian maw,

Sakhming chul zâi rel lo khua tin nûltu.

Ami rualtin chhîng kallâi siam maw,

Lenlai hlimte’n chên la thuamtin mawitu.

Eng dâwn lo huthâng par dungthuliin maw,

Mawi hluan, vulzel ang che lawmlâi chawitu.