Kan thianpa pakhat thawn tura ka ziah a nia, mahse ka thawn leh ta lem lo...
Thian duhtak,
A enga pawh chu ni sela, kan tih thin dan ngai tein kut suih loh chibai pawh mai le. Khatia i zirna chhunzawm tura a i taksa hnawk tham lo zet mai hmunpui lama i liampui hnu khan, i lo hlutzia a ni telin a lang deuh deuh a. Thu leh hla chawhlui kan kil apianga i hming lo lang ve tei vet hian i lo ropuizia a tilang tih chu sawi lan kher pawh ngai ka ti hran lo. I kalna ramah chuan, tlakchhiatna tur sam sei, chawmpang kara cheknek i khawm em lovang chu tiraw. I lo khawm anih pawhin tlangchhuak mualkil upa chawilai ngei aw ni ang.
Nang thu leh hla chawhlui lo kil tam tawh, ei leh in leh thu leh hlaa ka u i nih angin, ka thu ziak tlawmtê hi a tlang pawr lo zut mam a, a cheknek ek chhia lo paih tur leh, thi behna âwma thifang a kai lo a nih pawhin, zawhte chu thi lo awrhtir mai turin ka ngen che a ni. Ekhai i huanah kel a lut e, han hnawt ta che. Zâm reng reng suh, i sawi fo thin Nepoleon-a pawh kha palian buang theng thung ni mah suh sela, a ke vei lam perin Europe khawmualpui a nghawr a lawm. Pumraw lama huih phawk hnuai lam ni mahla, nangni mi ril leh parâwn tan chuan
A enga pawh chu ni sela, kan tih thin dan ngai tein kut suih loh chibai pawh mai le. Khatia i zirna chhunzawm tura a i taksa hnawk tham lo zet mai hmunpui lama i liampui hnu khan, i lo hlutzia a ni telin a lang deuh deuh a. Thu leh hla chawhlui kan kil apianga i hming lo lang ve tei vet hian i lo ropuizia a tilang tih chu sawi lan kher pawh ngai ka ti hran lo. I kalna ramah chuan, tlakchhiatna tur sam sei, chawmpang kara cheknek i khawm em lovang chu tiraw. I lo khawm anih pawhin tlangchhuak mualkil upa chawilai ngei aw ni ang.
Nang thu leh hla chawhlui lo kil tam tawh, ei leh in leh thu leh hlaa ka u i nih angin, ka thu ziak tlawmtê hi a tlang pawr lo zut mam a, a cheknek ek chhia lo paih tur leh, thi behna âwma thifang a kai lo a nih pawhin, zawhte chu thi lo awrhtir mai turin ka ngen che a ni. Ekhai i huanah kel a lut e, han hnawt ta che. Zâm reng reng suh, i sawi fo thin Nepoleon-a pawh kha palian buang theng thung ni mah suh sela, a ke vei lam perin Europe khawmualpui a nghawr a lawm. Pumraw lama huih phawk hnuai lam ni mahla, nangni mi ril leh parâwn tan chuan
sahar a tling em lovang chu. Keini i thal be atanga chawr chhuak, i khabe liam chang reng thin leh i nê pawh ek pha lo tan chuan, a zual zawpui vailen hlo an tih ang mai a ni.
Nangni thu leh hla kungpui miril leh un kara, keini, thu leh hla laimu chu sawi loh, a pil em pawh la kheh zo lo ka lo inrawlh ve hi ka inthiam lo hnuhnawh hle a, min hrethiam poh a ni ang chu. Vangpui in chhek laia ulawng darpai kan lo leu ve hi min lo hrethiam la, in mei tlang hriam chuan min hem lo hram a ni ang chu. Tawp hleithei dawn lo mah se a tawp nan, i huana kel lut mawlh kha han hnawt ang che aw, mahni huana kel lut chu mahni’n hnawh a ni ngai e, keiin se daikhalhah hrui valhin ka lo chang dawn nia.
Nangni thu leh hla kungpui miril leh un kara, keini, thu leh hla laimu chu sawi loh, a pil em pawh la kheh zo lo ka lo inrawlh ve hi ka inthiam lo hnuhnawh hle a, min hrethiam poh a ni ang chu. Vangpui in chhek laia ulawng darpai kan lo leu ve hi min lo hrethiam la, in mei tlang hriam chuan min hem lo hram a ni ang chu. Tawp hleithei dawn lo mah se a tawp nan, i huana kel lut mawlh kha han hnawt ang che aw, mahni huana kel lut chu mahni’n hnawh a ni ngai e, keiin se daikhalhah hrui valhin ka lo chang dawn nia.
No comments:
Post a Comment