Engemaw changa ngaihawm thin riau, thian duhtak.......
Ka lehkhathawn hmasa te khan ngawi rengin eng eng emaw chu an sawi ve nialin ka hria. I chik ve ngai em, keini ho hi chu kan pui ve thin hi ka tia, kohhran kan han hlim deuh a, thisen chhuah hmangte haw ber tur awm zawk hian, "Thisen thisen tiin bang lovin kan zai ang" kan tia, kan la nawn tlak tlak a, hnamdang ho hian an ngaithla fuh lova kan vannei rih phian a, hre fuh sela chuan rapthlak min ti thin hian ka ring a lawm le..
Ho mai mai ziak thin ho hi an ho mai mai hi ka tia, thil hming te hi an kaihlek a, awmze bo thak hian an hmang ta thin nia maw le. Ti daih ila, 'Siruk la' hi a thui zawng i hre mial lo maw? Thil tawn nan hian a tha ve tho angem le? E, tak a, nang thil hrezauah, 'Zangkhua' ah hian cheng an tam leh tam loh i hre lo maw, a khawthleng a nawm phei chuan, mahni chauh te nena kal pawh a chakawm alawm. Ih maw, 'Khiangte zawngzim' hian 'Dingdi puan tah' hi sin sela, zawngte tuam nan hmang ta sela a tha viau ang a tih vel te ka ngaihtuah mai mai a. Chuan, hman zanah pawh Chawngmawii leh Hrangchhuana te inkhreinch lai "Sikeisen" in a seh a, "Chhohreivung" in a vur daih, an ti fuh lo mai mai asin aw.
Zotawng hi i chik ve thin em, kan tawng hi a maksak ve thin hi ka tia. Kan thiam vak loh kan tih hian kan zei lovin kan khawr tut zel a. Khawr tih hi zei lo sawinan kan hmang thin a, mahse Veikhawr ho hian an vei lam hi an hmang thiam viau zel a nia. Nang i nia, ka'n sawi mai mai anga, Hman ni chu maw, ka thianpa bulah min lo thlah la ka tia, "Engtin nge ka thlah ang che, ka dawm loh che hi" a ti tlat nia. Thu hi a bawplawka lak i ching han tih pawh hian, khawi lai nge a bawp chu a ti hram zel. I unaute tunge an tia, "Ka u in nau dang a nei lo, keimah chiah hi ka u in nau min nei" a tih tlat kha. Ani ang hi chu tuiah pawh tla sela an insawi chhuak thei tho ang.
Thisen dawt hoah pawh hian duhsak zawng kan nei nge maw ni, thisen dawt theuh theuh, vangvatin min zuk a, thosiin min seh daih. Thisen dawt ve mang lo khuai pawh kan inzuk tir tho chu a nia. Sazuin kua a nei a, sazu kua kan tia, rulin kua a nei a, rul kua kan tia, Buiin kua a nei ve a, 'Bui zal kua' kan ti leh daih te hi alawm, kan tawng hi a special ve riau a nia. Huan hung chhungah bawng a awmin, huanah bawng a lut kan tia, sakhi a awm ve a, huanah sakhi a chhuak kan ti leh daih asin le....
Tun atan chuan duhtawk leh rih phawt mai ang aw,
I thiana lo inchhal ve ringawt,
Lawma Khiangte
Ka lehkhathawn hmasa te khan ngawi rengin eng eng emaw chu an sawi ve nialin ka hria. I chik ve ngai em, keini ho hi chu kan pui ve thin hi ka tia, kohhran kan han hlim deuh a, thisen chhuah hmangte haw ber tur awm zawk hian, "Thisen thisen tiin bang lovin kan zai ang" kan tia, kan la nawn tlak tlak a, hnamdang ho hian an ngaithla fuh lova kan vannei rih phian a, hre fuh sela chuan rapthlak min ti thin hian ka ring a lawm le..
Ho mai mai ziak thin ho hi an ho mai mai hi ka tia, thil hming te hi an kaihlek a, awmze bo thak hian an hmang ta thin nia maw le. Ti daih ila, 'Siruk la' hi a thui zawng i hre mial lo maw? Thil tawn nan hian a tha ve tho angem le? E, tak a, nang thil hrezauah, 'Zangkhua' ah hian cheng an tam leh tam loh i hre lo maw, a khawthleng a nawm phei chuan, mahni chauh te nena kal pawh a chakawm alawm. Ih maw, 'Khiangte zawngzim' hian 'Dingdi puan tah' hi sin sela, zawngte tuam nan hmang ta sela a tha viau ang a tih vel te ka ngaihtuah mai mai a. Chuan, hman zanah pawh Chawngmawii leh Hrangchhuana te inkhreinch lai "Sikeisen" in a seh a, "Chhohreivung" in a vur daih, an ti fuh lo mai mai asin aw.
Zotawng hi i chik ve thin em, kan tawng hi a maksak ve thin hi ka tia. Kan thiam vak loh kan tih hian kan zei lovin kan khawr tut zel a. Khawr tih hi zei lo sawinan kan hmang thin a, mahse Veikhawr ho hian an vei lam hi an hmang thiam viau zel a nia. Nang i nia, ka'n sawi mai mai anga, Hman ni chu maw, ka thianpa bulah min lo thlah la ka tia, "Engtin nge ka thlah ang che, ka dawm loh che hi" a ti tlat nia. Thu hi a bawplawka lak i ching han tih pawh hian, khawi lai nge a bawp chu a ti hram zel. I unaute tunge an tia, "Ka u in nau dang a nei lo, keimah chiah hi ka u in nau min nei" a tih tlat kha. Ani ang hi chu tuiah pawh tla sela an insawi chhuak thei tho ang.
Thisen dawt hoah pawh hian duhsak zawng kan nei nge maw ni, thisen dawt theuh theuh, vangvatin min zuk a, thosiin min seh daih. Thisen dawt ve mang lo khuai pawh kan inzuk tir tho chu a nia. Sazuin kua a nei a, sazu kua kan tia, rulin kua a nei a, rul kua kan tia, Buiin kua a nei ve a, 'Bui zal kua' kan ti leh daih te hi alawm, kan tawng hi a special ve riau a nia. Huan hung chhungah bawng a awmin, huanah bawng a lut kan tia, sakhi a awm ve a, huanah sakhi a chhuak kan ti leh daih asin le....
Tun atan chuan duhtawk leh rih phawt mai ang aw,
I thiana lo inchhal ve ringawt,
Lawma Khiangte
No comments:
Post a Comment